Latest Telugu Movie News

'నాన్నకు ప్రేమతో' సినిమాతో క్లాస్ ఆడియన్స్ ను ఆకట్టుకున్న సుకుమార్, 'రంగస్థలం' సినిమాతో మాస్ ఆడియన్స్ ను అలరించాడు. అయితే మెగా పవర్ స్టార్ రాంచరణ్ తేజ తరువాత కొంత ఢిఫరేంట్ స్టోరీ అయినా అచ్చంగా రంగస్థలం లాంటి దశాబ్దాల క్రితం నేపథ్యమున్న కథనే ఎంచుకుని స్టైలిష్ స్టార్ అల్లు అర్జున్ తో చిత్రాన్ని రూపోందిస్తున్నారు. ఫర్ ఫెక్ట్ మాస్ స్టోరీతో ఈ మాస్ చిత్రాన్ని తనదైన స్టైల్లో రూపోందించాలని ఇప్పటికే స్ర్కప్టు వర్క్ పూర్తిచేసుకున్న సుకుమార్.. లాక్ డౌన్ ఎత్తివేత తరువాత సెట్స్ పైకి వెళ్లేందుకు ప్లాన్ కోసం ఎదురుచూస్తున్నాడని సమాచారం.

ఎర్రచందనం స్మగ్లింగ్ నేపథ్యంలో నడిచే ఈ చిత్రంలో అల్లు అర్జున్ మునుపెన్నడూ కనిపించని విధంగా ఢిపరెంటుగా ఈ చిత్రంలో నటించనున్నారు. శేషాచల అడవుల నుంచి సాగే ఎర్రచందనం స్మగ్లింగ్ లో వాటిని దొంగచాటుగా రవాణా చేసే లారీ డ్రైవర్ గా అల్లు అర్జున్ కనిపించనున్నట్టు చెబుతున్నారు. అల్లు అర్జున్ జన్మదినాన్ని పురస్కారించుకని తాజాగా ఇవాళ ఈ సినిమా నుంచి అల్లు అర్జున్ ఫస్టులుక్ ను రిలీజ్ చేశారు. ఈ పోస్టర్ లో బన్ని ఊరమాస్ లుక్ లో మాస్ అడియన్స్ పండగ చేసుకునేలా కనిపిస్తున్నాడు.

మాసిన గెడ్డం, మీసాలు .. విభిన్నమైన హెయిర్ స్టైల్ .. దుమ్ము పట్టేసిన షర్టుతో తీక్షణంగా చూస్తూ పక్కా మాస్ లుక్ తో అల్లు అర్జున్ కనిపిస్తున్నాడు. ఈ లుక్‌లో బన్నీ పక్కన ఎర్రచందనం దుంగలు ఉన్నాయి.అలసిపోయిన ముఖం.. పోలీసుల అరెస్టు చేయగా వారి ముందు నిందితుడిగా కూర్చున్న బన్నీ లుక్‌ ఈ సినిమాపై ఆసక్తిని రేపుతోంది. బన్నీ వెనుక వ్యాను.. అందులోనూ ఎర్రచందనం దుంగలు, బన్నీ పక్కనే గొడ్డలి ఉంది. బన్నీయే స్మగ్లర్ గా వాటిని కాజేసీ తీసుకెళ్తుండగా పోలీసులు పట్టుకున్నట్లు లుక్ ద్వారా అర్థమవుతోంది. ఈ సినిమాలో అల్లు అర్జున్ ఊర మాస్ లుక్ అలరిస్తోంది.

తన పుట్టిన రోజు సందర్భంగా రెండో లుక్ ను తానే స్వయంగా అభిమానులతో పంచుకున్నాడు అల్లు అర్జున్‌. ఈ మేరకు ఆయన రెండో లుక్ ను తన ట్విట్టర్ ఖాతాలో పోస్ట్ చేశాడు. ఈ సినిమాలో ఆయన పాత్ర పేరు 'పుష్పక్ నారాయణ్'. ఆయన పేరులోని 'పుష్ప'ను టైటిల్ గా సెట్ చేశారన్న మాట. అల్లు అర్జున్ పాత్ర పేరుకి .. ఆయన లుక్ కి మధ్య చాలా వైవిధ్యం వుంది. అదేమిటనే విషయంపైనే సుకుమార్ కథ నడిపిస్తాడని అర్థమవుతోంది. ఈ సినిమాలో అల్లు అర్జున్ జోడీగా రష్మిక కనిపించనుంది. అడవి నేపథ్యంలో సాగే ఈ కథ, అభిమానులలో అంచనాలను అంతకంతకూ పెంచుకుంటూ పోతుంది. పట్టాలెక్కకుండానే పోస్టర్ తో అంచనాలు పెంచేసిన చిత్రమిది.

పుష్ప #Pushpa pic.twitter.com/sHFZspIt1z

— Allu Arjun (@alluarjun) April 8, 2020

పవర్ స్టార్ పవన్ కల్యాణ్ ‘వకీల్ సాబ్’ చిత్రంతో చిత్రరంగంలోకి మళ్లీ ఎంట్రీ ఇచ్చిన విషయం తెలిసిందే. అయితే త్వరలోనే ఈ సినిమా ప్రేక్షకుల ముందుకు రాబోతోంది. లాక్ డౌన్ నేపథ్యంలో అకస్మాత్తుగా షూటింగ్ లు రద్దు చేయడంతో ఈ సినిమా విడుదలలో కూడా జాప్యం జరుగుతుందన్న వార్తలు ఇప్పటికే చిత్రపురి చౌరస్తాల్లో షికారు చేస్తున్నాయి. అయితే అన్నీ అనుకున్నట్టుగా సాగితే.. ముందుగా నిర్దేశించిన సమయానికే కాస్తా అటుఇటుగా ఈ చిత్రం ప్రపంచవ్యాప్త థియేటర్లలలో ప్రదర్శితమవుతుందని చిత్ర యూనిట్ బలంగా చెబుతోంది.

బాలీవుడ్ సినిమా ‘పింక్’కు రీమేక్‌గా తెరకెక్కుతున్న ఈ చిత్రంలో పవన్ న్యాయవాది పాత్రలో నటిస్తున్నారు. ఈ చిత్రాన్ని బాలీవుడ్ నిర్మాత బోనికపూర్, దిల్ రాజుతో కలసి సంయుక్తంగా నిర్మిస్తున్న విషయం తెలిసిందే. ఇప్పటికే విడుదలైన సినిమా ఫస్ట్ లుక్, ఓ పాటకు విపరీతమైన ఆదరణ లభించింది. దాంతో, పవన్‌ను మళ్లీ తెరపైన ఎప్పుడెప్పుడు చూద్దామా అని ఫ్యాన్స్ ఆశగా ఎదురు చూస్తున్నారు. లాక్‌ డౌన్ ముగిసిన వెంటనే మిగిలిన షూటింగ్‌  పూర్తి చేసి ఆగస్టులో సినిమాను విడుదల చేయాలని నిర్మాత దిల్ రాజు భావిస్తున్నట్టు సమాచారం.

బాలీవుడ్ గాయని కనికా కపూర్.. ఎట్టకేలకు కరోనా నుంచి బయటపడగానే అటు బాలీవుడ్ నిర్మాత కరీమ్ మోరానీ తనయ షాజా మోరానీకి ఈ వైరస్ సోకింది. ఇటీవల జరిపిన పరీక్షల్లో అమెకు కరోనా పాజిటివ్ అని నిర్థారణ అయ్యింది. ఇది జరిగి 24 గంటలు కూడా గడవకముందే కరీమ్ మోరానీ రెండో కూతురు, నటి జోయా మోరానీకి కూడా కరోనా పాజిటివ్ అని నిర్ధారణ అయింది. దీంతో ఆ కుటుంబం తీవ్ర దిగ్భ్రాంతికి గురైంది. మార్చి మధ్యలో జోయా రాజస్థాన్ నుంచి తిరిగి వచ్చింది. తన అక్కతో పాటు జోయా కూడా టెస్ట్ చేయించుకుంది.

అయితే ఆమె రిపోర్టులు కొంచెం ఆలస్యంగా వచ్చాయి. ఈ పరీక్షలో జోయాకు పాజిటివ్ అని తేలింది. జోయా మోరానీ ప్రస్తుతం ముంబైలోని కోకిలాబెన్ ధీరూబాయ్ అంబానీ ఆసుపత్రిలో చికిత్స పొందుతోంది. మరోవైపు ఆమె అక్క ముంబైలోని నానావతి ఆసుపత్రిలో ట్రీట్మెంట్ తీసుకుంటోంది. వీరి తల్లిదండ్రులు (కరీమ్ మోరానీ దంపతులు) కూడా టెస్టులు చేయించుకున్నారు. అయితే, వీరి రిపోర్టులు ఇంకా రావాల్సి ఉంది. షారుఖ్ ఖాన్ సూపర్ హిట్ చిత్రం 'చెన్నై ఎక్స్ ప్రెస్'ను కరీమ్ మోరానీ నిర్మించారు.

'నాన్నకు ప్రేమతో' సినిమాతో క్లాస్ ఆడియన్స్ ను ఆకట్టుకున్న సుకుమార్, 'రంగస్థలం' సినిమాతో మాస్ ఆడియన్స్ ను అలరించాడు. ఈ సారి కూడా ఆయన మరో మాస్ సబ్జెక్ట్ ను సిద్ధం చేసుకున్నాడు. అయితే ఇంకా పట్టాలెక్కని చిత్రాన్ని ఎప్పుడు విడుదల చేయాలన్న విషయాన్ని కూడా ఫిక్స్ చేసుకున్నాడని సినీవర్గాల నుంచి టాక్. స్టైలిష్ స్టార్అల్లుఅర్జున్ తో తెరకిక్కించనున్న ఈ మాస్ చిత్రాన్ని తనదైన స్టైల్లో రూపోందించాలని ఇప్పటికే స్ర్కప్టు వర్క్ పూర్తిచేసుకున్న సుకుమార్.. లాక్ డౌన్ ఎత్తివేత కోసం ఎదురుచూస్తున్నాడని సమాచారం.

ఎర్రచందనం స్మగ్లింగ్ నేపథ్యంలో నడిచే ఈ చిత్రంలో అల్లు అర్జున్ మునుపెన్నడూ కనిపించని విధంగా ఢిపరెంటుగా ఈ చిత్రంలో నటించనున్నారని టాక్. ఈ సినిమాలో లారీ డ్రైవర్ గా బన్నీ కనిపించనున్నాడు. ఆయన సరసన నాయికగా రష్మికను తీసుకున్నారు. అంతా అనుకూలించినా.. ఏదో సమస్య తలెత్తడం సాధరణ సమయంలోనే చిత్రషూటింగ్లలో సాధరణం. అలాంటిది ఈ చిత్రం గురించి మాత్రం అంతా తాను అనుకున్నట్లే జరుగుతుందని నమ్మకంగా వున్న సుకుమార్.. విడుదల తేదీని కూడా ఫిక్స్ చేసుకున్నాడట.

అంతా సవ్యంగా సాగితే ఏడాది సమయం తీసుకోనున్న ఈ సినిమా ఏడాది తరువాత విడుదల కానుంది. ఇప్పటికే ఈ సినిమా సెట్స్ పైకి వెళ్లవలసి వుంది. ప్రస్తుత లాక్ డౌన్ కారణంగా షూటింగుకి వెళ్లడం ఆలస్యమవుతోంది. దాంతో ఈ సినిమాను వచ్చే ఏడాది ఏప్రిల్ 28వ తేదీన విడుదల చేయాలని సుకుమార్ భావిస్తున్నట్టుగా చెబుతున్నారు. సహజంగానే సుకుమార్ తన ప్రాజెక్టులకి ఎక్కువ సమయం తీసుకుంటాడు. అందువల్లనే ఆయన ఈ రిలీజ్ డేట్ సెట్ చేసుకున్నాడని చెప్పుకుంటున్నారు. ఈ సినిమాలో ప్రతినాయకుడిగా విజయ్ సేతుపతి కనిపించనున్న సంగతి తెలిసిందే.

యంగ్ టైగర్ ఎన్టీఆర్ కథానాయకుడిగా త్రివిక్రమ్ దర్శకత్వంలో రూపొందించనున్న చిత్రానికి సంబంధించిన ఓ తాజా వార్త ప్రస్తుతం ట్రెండింగ్ గా మారంది. ఈ చిత్రానికి సంబంధించి ప్రస్తుతం స్క్రిప్ట్ పై త్రివిక్రమ్ కసరత్తు చేస్తున్నాడు. నవంబర్ నుంచి ఈ సినిమా రెగ్యులర్ షూటింగును మొదలుపెట్టే దిశగా పనులు నడుస్తున్నాయి. వచ్చే ఏడాది జూన్ మొదటివారంలో ఈ సినిమాను విడుదల చేయాలనే నిర్ణయానికి దర్శకనిర్మాతలు వచ్చినట్టుగా తెలుస్తోంది. అయితే ఈ చిత్రానికి సంబంధించి ప్రస్తుతం ఓ వార్త వైరల్ గా మారింది.

'అయినను పోయిరావలె హస్తినకు' అనే టైటిల్ ను ఈ చిత్రానికి దర్శకుడు త్రివిక్రమ్ పరిశీలిస్తున్నారు. ఈ సినిమాలో ఇద్దరు కథానాయికలకు చోటు వుందన్న విషయం ఇప్పటికే తెలిసింది. ఇందులో ఒక కథానాయికను బాలీవుడ్ నుంచి పరిచయం చేసే ఆలోచన చేస్తున్నారని కూడా వార్తలు వచ్చాయి. అయితే తాజాగా లభించిన అప్ డేట్ ప్రకారం ఈ చిత్రంలో తారక్ సరసన అతిలోక సుందరి నటించనున్నారని తెలుస్తోంది. నమ్మశక్యంగా లేదా కానీ ఇది నిజం.

అతిలోకసుందరి శ్రీదేవి మరణించిన తరువాత ఇలాంటి వార్తా..? అంటే అమె తరానికి అమె అతిలోక సుందరి, మరి ఈ తరానికి అమె తనయ జాన్వీ కపూర్ అతిలోక సుందరి. అంటే జాన్వీకపూర్ ఈ చిత్రంలో తారక్ సరసన హీరోయిన్ గా నటించనున్నారని సమాచారం. మరో కథానాయికగా పూజ హెగ్డేను తీసుకోవాలనుకుంటున్నారు. గతంలో త్రివిక్రమ్ .. ఎన్టీఆర్ .. పూజ హెగ్డే కాంబినేషన్లో వచ్చిన 'అరవింద సమేత' భారీ విజయాన్ని సొంతం చేసుకున్న సంగతి తెలిసిందే. మరోసారి ఈ కాంబినేషన్ హిట్ కొడుతుందేమో చూడాలి.

యువ కథానాయకుడు అజయ్‌ కతుర్వార్‌ నటించిన యూత్ ఫుల్ మెసేజ్ ఓరియంటెండ్ మూవీ విశ్వక్. యువ కథానాయిక డింపుల్‌ ప్రధాన పాత్రల్లో నటిస్తున్న సినిమా టీజర్ ను ఇవాళ హిట్ చిత్రంతో హిట్ అందుకుని జోరుమీదున్న యంగ్ హీరో విశ్వక్ సేన్ లాంచ్ చేశారు. వేణు ముల్కల దర్శకత్వం వహిస్తున్నారు. గోల్డెన్‌ డక్‌ ప్రొడక్షన్స్‌ పతాకంపై తాటికొండ ఆనందం బాలకృష్ణన్‌ నిర్మిస్తున్నారు. విభిన్న కథాంశంతో ఈ సినిమాను రూపొందిస్తున్నట్లు ప్రచార చిత్రాన్ని బట్టి తెలుస్తోంది.

‘ఎన్నారైలకేమో బాధ్యత తెలియదు. ఇక్కడున్న వారికేమో నిర్లక్ష్యం.. మరి నువ్వేం..’ అని హీరో ఓ వ్యక్తి చెంప పగలగొట్టి మరీ ప్రశ్నిస్తూ కనిపించారు. ఓ యువకుడు రైతులపై ఆసక్తికర కథనం రాస్తున్నామని చెబితే.. అలా కాకుండా యువత ఒత్తిడిపై కథనం రాయమని ఓ యువతి ప్రోత్సహించడం ఆసక్తికంగా అనిపించింది. ‘ఫుడ్‌, బెడ్‌ బాగుందని పక్కింటికి వెళ్లి బతుకుతావా?, బెటర్‌ లైఫ్‌ ఉందని పక్కదేశానికి వెళ్తావా?..’ అంటూ కథానాయకుడు పలికిన సంభాషణలు ఆకట్టుకుంటున్నాయి.

{youtube}v=93Kk6eSJHak|620|400|1{/youtube}

కరోనా కష్టంతో అల్లాడుతున్న ప్రజలకు సాయంగా నిలుస్తూ రూ. కోటీ పాతిక లక్షల భారీ సాయం ప్రకటించిన నటసింహం నందమూరి బాలకృష్ణకు ప్రత్యేక అభినందలు తెలియజేశారు మెగాస్టార్ చిరంజీవి. ఈ సందర్భంగా ఆయనపై ప్రశంసల జల్లు కురిపిస్తూ ట్వీట్ చేశారు మెగాస్టార్. ఇదే సమయంలో తమను ఇంతటి వారిని చేసిన సీనీకళామతల్లిని నమ్ముకున్న దినసరి కూలీలకు కూడా ఆపన్నహస్తం అందించిన బాలయ్యకు చిరంజీవి కృతజ్ఞతలు తెలియజేశారు.

థాంక్యూ మై డియర్ బ్రదర్ బాలయ్య.. ప్రతి కష్టసమయంలోనూ ప్రజలను ఆదుకోవడం కోసం సినీ పరిశ్రమ ఒక్కటిగా ముందుకొస్తే మీరెప్పుడూ తోడుంటారు. కరోనా క్రైసిస్‌తో ఇబ్బందులు పడుతున్న వారిని ఆదుకునేందుకు ఏర్పాటు చేసిన ‘కరోనా క్రైసిస్ ఛారిటీ (CCC)కి రూ. 25 లక్షలు, ఆంధ్రప్రదేశ్ ప్రభుత్వానికి రూ. 50 లక్షలు, తెలంగాణ ప్రభుత్వానికి రూ. 50 లక్షలు ఆర్ధిక సాయాన్ని ప్రకటించారని ట్విట్టర్ ద్వారా తెలియజేశారు చిరు. ఈ సందర్బంగా ‘కరోనా క్రైసిస్ ఛారిటీ (CCC)కి అందించిన రూ. 25 లక్షల చెక్‌ను ట్విట్టర్‌లో షేర్ చేశారు చిరంజీవి.

ఈ చెక్‌పై కరోనా క్రైసిస్ ఛారిటీతో పాటు చిరంజీవి ఛారిటిబుల్ ట్రస్ట్ అని కూడా రాసి ఉండటం విశేషం. కాగా బాలయ్య చేసిన సాయానికి ట్విట్టర్‌లో ప్రశంసల జల్లు కురుస్తోంది. పెట్టినా కొట్టినా మా బాలయ్యే అందుకే మా బాలయ్య మనసు బంగారం.. ఎంత మంది ఎన్ని హేళనలు చేసి సాయం చేయడంలో బాలయ్య మనసు పెద్దదే అని మరోసారి నిరూపించారు.. జై బాలయ్య అంటూ ట్విట్టర్‌ని హీటెక్కిస్తున్నారు బాలయ్య, చిరు అభిమానులు.

Thank you dear brother #Balayya #NBK for donating 25 lacs to #CoronaCrisisCharity & 50 lacs each to Telangana & AP Govts. You proved ur generous heart goes out to the needy every time.ప్రతి కష్టసమయంలోను,ప్రజలను ఆదుకోవటం కోసం సినీ పరిశ్రమ ఒక్కటిగా ముందుకొస్తే,మీరెప్పుడు తోడుంటారు pic.twitter.com/9IWMw3ovMn

— Chiranjeevi Konidela (@KChiruTweets) April 3, 2020

కరోనా వైరస్‌పై పోరాటానికి టాలీవుడ్‌ అగ్ర కథానాయకుడు నందమూరి బాలకృష్ణ నేను సైతం అంటూ కదం తొక్కారు. తన వంతుగా తెలుగు రాష్ట్రాలకు ఆయన రూ. కోటి 25 లక్షలు విరాళంగా ప్రకటించారు. కరోనా కట్టడి కోసం పోరాటం చేస్తున్న కేంద్ర, రాష్ట్ర ప్రభుత్వాలకు గత కొన్నిరోజుల నుంచి సినీ తారలు తమవంతు ఆర్థికసాయం అందిస్తున్నారు. ఈ నేపథ్యంలో హిందూపురం ఎమ్మెల్యే, నందమూరి నటసింహం బాలకృష్ణ రూ.1.25 కోట్లు విరాళంగా అందించనున్నట్లు ప్రకటించారు.

రెండు తెలుగు రాష్ట్రాలలోని తెలుగు ప్రజలకు సాయం ప్రకటించిన ఆయన.. అందులో రూ.50లక్షలు తెలంగాణ సీఎం సహాయ నిధికి, మరో రూ.50 లక్షలు ఆంధ్రప్రదేశ్‌ సీఎం వైఎస్ జగన్ సహాయనిధికి అందించనున్నారు. తెలుగు సినీ కార్మికుల సహాయార్థం చిరంజీవి ఆధ్వర్యంలో ఏర్పాటు చేసిన సీసీసీ(కరోనా క్రైసిస్‌ ఛారిటీ)కి రూ.25 లక్షలు ప్రకటించారు. ఈ మేరకు రూ.25లక్షల చెక్కును ఆ సంస్థ ఎగ్జిక్యూటివ్‌ సభ్యుడు సి.కల్యాణ్‌కు అందించారు. ఇక తెలంగాణలో మంత్రి కేటీఆర్ ను కలసి స్వయంగా రూ.50లక్షల చెక్కును అందజేశారు.

ఈ సందర్భంగా ఆయన మాట్లాడుతూ మందులేని కరోనావైరస్ మహమ్మారిని జయించేందుకు ప్రజల వద్ద ఉన్న ఒకే ఆయుధం సామాజిక దూరం అని దానిని ప్రజలందరూ పాటించాలని అన్నారు. ఇక కేంద్రప్రభుత్వం లాక్ డౌన్ అమలు చేస్తున్న నేపథ్యంలో ప్రజలు ఇళ్లకే పరిమితమై తగిన జాగ్రత్తలు పాటించి కరోనాను అరికట్టాలని బాలకృష్ణ సూచించారు. శుభ్రతను పాటించి పరిశ్రభ వాతావరణ మధ్య వుంటూ ఎంతటి కరోనా వైరసైనా దరి చేరదని ఆయన ప్రజలకు ధైర్యం చెప్పారు.

కరోనా వైరస్ వ్యాప్తి చెందకుండా చేసే పోరాటానికి ప్రతి ఒక్కరూ కలిసి రావాలని, బయటకు రాకుండా ఇళ్లలోనే ఉండి ప్రాణాలను కాపాడుకోవాలని ప్రభుత్వం, రాజకీయ నేతలు, సెలెబ్రిటీలు పిలుపు నిస్తున్న విషయం తెలిసిందే. నటుడు, ‘డైలాగ్ కింగ్’ సాయికుమార్ ఇదే విషయాన్ని చెబుతూ ఓ వీడియోను పోస్ట్ చేశారు. ‘ దేశం కోసం ఎందరో మహానుభావులు తమ ప్రాణాలను సైతం ధారపోసి.. త్యాగాలు చేశారని.. అయితే దేశం మనకేం చేసిందన్న ప్రశ్నను పక్కనబెట్టి.. దేశానికి మనం ఏం చేశామన్న విషయం గురించి అలోచించాల్సిన సమయం అసన్నమైందని అన్నార.

ప్రస్తుత తరఉనంలో దేశంలో కోసం ప్రతీ ఒక్కరూ చేయాల్సిందే ఒక్కటేనని.. అదే ఎవరి ఇంట్లో వారు నిర్భంధంలో వుండటం అని అన్నారు. కనిపించే మూడు సింహాలు డాక్టర్లు, పోలీసులు, పారిశుద్ధ్య కార్మికులు అయితే కనిపించని నాల్గో సింహాం ‘మీరు’.  ‘మీరు’ అంటే మనం, ‘మనం’ అంటే దేశం..’ అంటూ ఆ వీడియోలో చెప్పారు. మనం అందరం కలిసికట్టుగా పోరాడదామని, ఆ వైరస్ ను తరిమి కొడదామని, ‘ఆ మహమ్మారి నుంచి ప్రపంచాన్ని కాపాడదాం’ అని సాయికుమార్ పిలుపు నిచ్చారు.

కనిపించే మూడు సింహాలు డాక్టర్లు, పోలీసులు, పారిశుద్ధ కార్మికులు అయితే కనిపించని నాలుగో సింహమే మీరు.. మీరు అంటే మనం.. మనం అంటే దేశం....

Dialogue King #SaiKumar appeals everyone to #StayHomeSaveLives in our fight against #CoronavirusOutbreak pic.twitter.com/drj3plRORO

— BARaju (@baraju_SuperHit) April 1, 2020

కరోనా మహమ్మారితో థియేటర్స్ అన్నీ మూతపడ్డాయి. ప్రేక్షకుడికి వినోదం ఇప్పుడు ఇంట్లో ఉండే టెలివిజన్ మాత్రమే. కాగా సూపర్ స్టార్ మహేష్ హీరోగా అనిల్ రావిపూడి దర్శకత్వంలో తెరకెక్కిన ‘సరిలేరు నీకెవ్వరు’ చిత్రం సంక్రాంతికి విడుదలై బ్లాక్‌బస్టర్ విజయాన్ని అందుకుంది. లేడీ సూపర్ స్టార్ విజయశాంతి ఈ చిత్రంతో రీ ఎంట్రీ ఇచ్చిన విషయం తెలిసిందే. ఈ చిత్రాన్ని ఉగాది పర్వదినాన టెలివిజన్ ప్రీమియర్‌గా మార్చి 25న జెమినీ టీవీలో టెలికాస్ట్ చేశారు. అయితే కరోనా ఎఫెక్ట్‌తో ఈ చిత్రం అత్యధిక టీఆర్పీని సొంతం చేసుకుని సంచలన రికార్డ్‌ను నమోదు చేసింది. బుల్లితెరపై ఇప్పటి వరకు ఉన్న బాహుబలి రికార్డ్‌ను కూడా ఈ చిత్రం బీట్ చేయడం విశేషం.

ఉగాది రోజు ప్రసారమైన ఈ చిత్రానికి 23.4 టీఆర్పీ వచ్చినట్లుగా సదరు ఛానెల్ ప్రకటించింది. అంతకు ముందు ‘బాహుబలి’ పేరిట ఉన్న 22.7 టీఆర్పీ రేటింగ్‌ను ఈ చిత్రం అధిగమించి టాప్ స్థానాన్ని సొంతం చేసుకుంది. బాహుబలి తర్వాత స్థానంలో మళ్లీ మహేష్ బాబు మూవీనే ఉండటం మరో విశేషం. మహేష్ బాబు, కొరటాల శివ కాంబినేషన్‌లో వచ్చిన ‘శ్రీమంతుడు’ చిత్రం 22.54 టీఆర్పీని సాధించింది. ఇప్పుడు ఈ చిత్రం మూడో స్థానానికి పరిమితమైంది. మొత్తంగా చూస్తే కరోనా వైరస్ కారణంగా ఇళ్లకే పరిమితమైన జనం.. ‘సరిలేరు నీకెవ్వరు’ చిత్రాన్ని బుల్లితెరపై కూడా విజయవంతం చేయడంలో ప్రముఖ పాత్ర పోషించారన్నది మాత్రం నిజం